Gazetari Basir Çollaku ka ironizuar vendimin socialistëve për të marrë në mbrojtje Olta Xhaçkën pasi ditën e djeshme mazhoranca në Kuvend refuzoi të dërgojë mandatin e saj në Kushtetuese.
Socialistët e argumentuan vendimin e tyre të turpshëm se do t’i drejtohet Komisionit të Venecias për mendim, ndërsa Çollaku bën me dije se qeveria Rama po shpërfill ligjet e vendit.
Gjatë një reagimi në rrjetet sociale, Çollaku thekson se Gjykata Kushtetuese është kthyer në një “byrektore për Edi Ramën”, ndërsa sipas tij, kryeministri ka “kapur për fyti drejtësinë”.
“Gjykata Kushtetuese për Edi Ramën është si byrektore.
Edhe Oltën e çuan në Venezie. Pyesni Komisionin edhe për orarin e të shkuarës në banjo. Ky truk legenos sistemin dhe tregon shpërfilljen ndaj ligjit. Ai është rrethuar me një Xhaçkë strategjike, Kumbaro toksike, Spiropal komike, Balluk tenederthithëse e plot të pandehur. Ata duan të zvarriten deri ne afatet kur vendimmarrja është e pavlefshme.
Do ta ribëjë deputete për shkaqe të njëjta? Ku e ka kapur Xhaçka Ramën? Me saktë ku i ka kapur vëllezërit Rama?! Në investime ku aksionet janë me surpriza? Në tenderat te mbrojtja? Në dhënie certifikatash sigurie njerëzve me telash penale? Në marrëveshjen e detit? Në privatizimin e bazës detare, të sekuestruar? Në historitë call centerave 2.4 miliardë euro, ku gjendej përmendur e përfshirë dhe vëlla Olsi? Në histori penale të rrethit të tyre strategjik? Ky tregues strategjik i plaçkitjes, është frika se qelia detyron të flasë të dërguarit në kafaz.
Dëshmia e shkërmoqjes është tregues se askush nuk vendos në institucione por Bordi Mafias me porosi të Ramës. Dhe mendoni se Rama do pyesë komisione zgjedhore apo kioska juridike rrugës. Komiteti Qendror i Rilindjes është ai ku vendoset gjithçka. Për arrestime, dënime, ekstradime. Një drejtësi e çrefornuar që bën në aktakuzë liderin e opozitës Sali Berisha kryetar bashkie, është çmenduri me urdhër. Kanë hetuar koncerte sikur merret ish-KM me histori muzikore. Kanë falsifikuar dokumente. Kanë lemeri se Jamarbër Malltezi për 15 vite ka marrë ligjërisht një përqindje inekzistente të tokës së familjes. Kanë kryer vepra penale si hetues komunizmi. Ata zyrtarë që marrin porosi nga KM dhe Bandat duhet të zhduken nga detyrat publike. Refuzimi i përsëritur i Gjykatës Supreme është Diktaturë”, shkruan Çollaku.
