Janë zbardhur detaje të reja nga mbledhja e sotme e Kryesisë së PS-së, ku zgjati për rreth një orë dhe në fokus të diskutimeve ishin plani dhe strategjitë që do të ndiqen për zgjedhjet parlamentare të vitit 2025.
Burime për mediat bëjnë me dije se Rama u ka ndarë detyrat dhe tre drejtuesve politik të Qarkut të Tiranës, ku më konkretisht, Erion Veliaj do të jetë drejtues politik për të gjithë qarkun, Ogerta Manastirliu do të merret me strukturën e partisë në bashkinë Tiranë ndërsa Elisa Spiropali do të merret me strukturën e partisë në bashkitë e tjera të qarkut: Kamëz, Vorë, Rrogozhinë dhe Kavajë.
Kryeministri Edi Rama ka kërkuar angazhim më të madh edhe në takime me diasporën, që duket se kryesocialistit do t’i rikthejë sërish.
Veç Taulant Ballës që do të jetë drejtuesi politik për Diasporën, në grupin që do të organizojë punën dhe takimet do të jetë edhe Romina Kuko, anëtare e Kryesisë dhe kryetare e këshillit Bashkiak të Tiranës si dhe Igli Hasani, ministër i Jashtëm dhe Zerina Bruci, sekretare për Diasporën.
Në mbledhje Rama ka diskutuar edhe për listat e hapura dhe të mbyllura për të cilat foli një ditë më parë në asamble, ku tha se ai vet dhe drejtuesit politik do të jenë garë në listë të hapur.
Rama mësohet të ketë thënë se është i paqartë sesi do të realizohet vendosja e tyre por kjo cështje është lënë për u diskutuar në një tjetër mbledhje.
