Postriba përkujton sot, 78 vjetorin e Lëvizjes anti-komuniste. Gjatë ceremonisë, ka vendosur një kurorë me lule edhe Benet Beci. Ai ka vendosur kurora me lule pranë memorialit që ndodhet në njësisë administrative të Postribës. Banorët i kanë bërë thirrje që të largohet, por Beci iu tha se ishte aty për t’i respektuar.
Në këtë moment, kryebashkiaku i Shkodrës Benet Beci është degjeneruar me fyerje nga qytetarët shkodranë. Siç mund ta shikoni në videon më poshtë banoret e Postribës kanë përzënë Benet Becin i cili ruhet nga forca të rrepta sigurie.
“Ik…ik…zhduku! Nuk ke fytyrë të vish këtu ti. Poshtë Edi Rama dhe hajdutët e tij. Të gjithë hajduta jeni”, thonë duke bërtitur shkodranët.
“Shqiptar jam edhe unë. Unë respektoj Shkodrën, ju respektoj juve!”- iu përgjigj Beci.
Në këtë moment. Benet Beci hip makinën dhe largohet para se të nderohet himni kombëtar.
“Ikni komunistë! Mua ma kanë vrarë gjyshin, babën në burg! Unë nuk e dua respektin tuaj! Po na merrni në qafë!”, tha banori.
“E kanë kapur atë djalin dhe e çojnë në burg. Hajde se mendohet se bën rrëmujë!”- u shpreh një banor duke ju referuar një qytetari që sipas tij ishte shoqëruar për të mos shkaktuar trazira sot.
“30 vjet janë ftuar në festë dhe nuk kanë ardhur kurrë! Asnjëherë. Sivjet këta të Enver Hoxhës duan ta bëjnë festën sivjet. Kjo është loja e këtyre. Ky është pushteti i Enver Hoxhës. Festa është e jona! Të lirohet ai djali’’- tha një banor tjetër.
“Njerëz të poshtër! Poshtërsi na bëni ju!”- u shpreh një banor.
Në mënyrë demonstrative njëri nga qytetarët ka hequr kurorat me lule të vendosur nga Beci. Pas këtij veprimi, policia me urdhër të kryebashkiakut Benet Beci ka arrestuar qytetarin Besim Shaba, i cili hoqi këto kurora.
“Te paftyrit nuk i ben pershtypje degjenerimi! Benet Beci edhe sot tentoj te provokoje banoret dhe familjaret e herojnve te Postribes. Mori pergjigjen e merituar nga banoret e Postribes, dhe u largua me bishtin nder shale pa nderuar himnin kombetare, nen forca te rrepta sigurie. Benet i paftyri nje gje ta dish, keshtu do te presim çdo kund qe te shkosh. Lavdi heronjve te Postribes dhe nje bravo te madhe per banoret guximtare qe i thane te verteten ne sy palaqos se bashkise Shkoder”, shkruan Fatjon Mani është anëtar i Forumit Rinor të Partisë Demokratike të qytetit të Shkodrës.
