Kreu i Grupit Parlamentar të PD-së, Gazment Bardhi, është i ftuar në emisionin “Open” në News 24.
Bardhi përballet me Belinda Ballukun në Fier, ku janë caktuar drejtues politikë nga PD dhe PS teksa mbrëmjen e sotme deklaroi se nuk i druhet përballjes më të.
Bardhi tha se Qarku i Fierit që do e ndëshkojë Partinë Socialiste, pasi është braktisur nga PS-ja ndërsa Ballukun e cilësoi si të lidhur me krimin dhe këtë shqiptarët e dinë.
“Ajo vjen me fuqinë e krimit të organizuar, me atë të korrupsionit, ndërsa unë shkoj me ndershmërinë time.
Kam bindjen e thellë që Qarku i Fierit që do e ndëshkojë Partinë Socialiste, është një nga qarqet me fuqinë ekonomike më të madhe, por është braktisur nga PS-ja, edhe pse i kanë dhënë mbështetjen maksimale.
Do të jetë reagimi më i fortë krahasuar me qarqet e tjera. Nuk kam asnjë shqetësim që do kem përballë një njeri që e suporton krimi i organizuar, pasi krimi suporton njerëzit e korruptuar”, tha Bardhi.
