Drejtori i Përgjithshëm i Policisë së Shtetit, Muhamet Rumbullaku ka dhënë dorëheqjen nga detyra.
Mësohet se Rrumbullaku mbrëmjen e sotme i ka dorëzuar dorëheqjen ministrit të Brendshëm, Ervin Hoxhës. Deri në zgjedhjen e kreut të ri të Policisë, pozicioni do të mbahet nga zv.drejtori Sokol Bizhga.
Arsyet e dorëheqjes (largimit) vijnë në një moment kur krimi dhe bandat kanë “pushtuar” vendin, ndërsa policia e pafuqishme “numëron viktimat” që ngelen pas atentateve mafioze. Një seri ngjarjesh kriminale të pazbardhura është një ndër arsyet e forta që kanë sjellë largimin e Muhamet Rumbullakut.
Pasditen e sotme mediat pranë qeverisë lajmëruan një takim të ministrit Ervin Hoxha me strukturat e Policisë të gjithë qarqeve dhe mes rreshtash u paralajmërua shkarkimi i Drejtorit të Përgjithshëm të Policisë së Shtetit, Muhamet Rrumbullaku, pasi sipas burimeve ministri do shpallte ditën e nesërme vendin vakant.
Mediat raportojnë se pasi është vënë përballë faktit të kryer, Drejtori i Përgjithshëm i Policisë së Shtetit, Muhamet Rrumbullaku është detyruar të japë dorëheqjen. Gjë të cilën e ka pranuar edhe në rrugë jo-zyrtare.
Rrumbullaku u caktua si drejtues i Policisë së Shtetit e mori detyrën më 7 Shtator të vitit 2022, ku asokohe Ministria e Brendshme drejtohej nga Bledi Çuçi.
- Ministria e Brendshme hap procesin për ta zëvendësuar
Ditën e nesërme (te premte) do të hapet gara për kreun e ri të Policisë së Shtetit. Burimet mediatike bëjnë me dije se Ministria e Brendshme do të ftojë të gjithë personat që përmbushin kriteret për të aplikuar për këtë pozicion.
Duket se këto 36 ditë në detyrë, Ministri i Brendshëm Ervin Hoxha i ka përdorur për të hartuar një mori me ndryshime të thella në Ministrinë që drejton.
Te premten, ministri i Brendshëm Ervin Hoxha në orën 10:00 ka thirrur në mbledhje të gjithë drejtorët e policisë së qarqeve, drejtorin e përgjithshëm të Policisë së Shtetit si edhe drejtorët e departamenteve.
Gjatë mbledhjes, e cila është e para e Ervin Hoxhës, që ku mori postin e ministrit më 28 korrik, pritet të diskutohet ligji i ri i policisë, kryesisht për procedurën e përzgjedhjes së kreut të policisë, drejtorëve vendorë.
Këto pozicione me ligjin e ri do të përzgjidhen me komision.
Lexo edhe:
Rrumbullaku drejt shkarkimit? Ministria e Brendshme hap procesin për ta zëvendësuar
