Ditën e nesërme do të hapet gara për kreun e ri të Policisë së Shtetit.
Burime për Top Channel bëjnë me dije se Ministria e Brendshme do të ftojë të gjithë personat që përmbushin kriteret për të aplikuar për këtë pozicion.
Kjo lëvizje mbetet me e dyshimtë pasi deri më tani, Muhamet Rrumbullaku nuk ka dhënë dorëheqjen dhe as nuk i është komunikuar shkarkimi ( të paktën publikisht).
Duket se këto 36 ditë në detyrë, Ministri i Brendshëm Ervin Hoxha i ka përdorur për të hartuar një mori me ndryshime të thella në Ministrinë që drejton.
Duke iu referuar burimeve nga Ministria e Brendshme dhe qeveria kanë mundur të mësojnë atë që pritet të shpalosë ministri Hoxha paraditen e së premtes. Po ashtu priten ndryshime të shumta në Drejtorinë e Përgjithshme të Policisë së Shtetit, duke përfshirë të gjithë zinxhirin drejtues dhe drejtuesit e drejtorive vendore.
Priten ndryshime edhe në drejtimin e drejtorive në varësi të Ministrisë së Brendshme.
- Ministri i Brendshëm të premten mbledhje me funksionarët e lartë të Policisë së Shtetit
Te premten, ministri i Brendshëm Ervin Hoxha në orën 10:00 ka thirrur në mbledhje të gjithë drejtorët e policisë së qarqeve, drejtorin e përgjithshëm të Policisë së Shtetit si edhe drejtorët e departamenteve.
Gjatë mbledhjes, e cila është e para e Hoxhës, që ku mori postin e ministrit më 28 korrik, pritet të diskutohet ligji i ri i policisë, kryesisht për procedurën e përzgjedhjes së kreut të policisë, drejtorëve vendorë.
Këto pozicione me ligjin e ri do të përzgjidhen me komision.
Lexo edhe:
11 vrasje gjatë verës/ “Zgjohet” Ervin Hoxha, “tërmet” ndryshimesh në Policinë e Shtetit
