Ilir Meta pasditen e së enjtes (15 gusht) i është rikthyer toneve të ashpra në adresë të kreut të SPAK-ut Altin Dumanit dhe kryeministrit Edi Rama.
Me tone të ashpra, Ilir Meta akuzoi Altin Dumanin dhe Edi Ramën se kanë tentuar që të bllokojnë llogaritë bankare të Partisë së Lirisë,në një bankë të nivelit të dytë në vendin tonë.
Në mbledhjen e Kryesisë së PL, Ilir Meta tregoi situatën e krijuar në bankë, ku tha se qëllimi “djallëzor” i dyshes Rama-Dumani është për të “shkrirë” Partinë e Lirisë.
Sipas Metës një drejtoreshë e bankës nuk kishte pranuar që veprimet t’i kryente personi i autorizuar për hedhjen e pagave, por do duhej të ishte i pranishëm vetëm Presidenti i PL.
Situata, sipas Metës, u zgjidh pas një telefonate me drejtorin më të lartë të bankës, por kreu i PL e sheh si një tentativë të Dumanit për të bllokuar llogaritë e partisë.
“Gjëja më e rëndë që ka ndodhur sot, është se çuditërisht prej një kohe të caktuar kishim probleme me organizmin. Duan që Meta të merret me vogëlsira. Më e fundit ishte që prej disa kohësh kishte probleme për të paguar pagat e njerëzve që punojnë në PL. Autorizova një person të caktuar që të bëjë këto veprime. Vete te një bankë paraqet autorizimin, vulën, korrekt. Vete te banka tjetër, del një super zonjë dhe i thotë nga je ti. Jam përfaqësues i PL për të bërë veprime në emër të PL për shkak të llogarisë rrjedhëse që ka kjo parti. Ca je ti i thotë, këtu duhet të vijë presidenti i PL. Presidenti duhet të vijë pasi të shkojë në gjykatë, meqë keni bërë ndryshime në statut, e dinte ajo ishte e informuar, dhe pasi të marrë vërtetim që është president i PL, të shkojë dhe te noteri dhe në Lundër te arkivat, pastaj të vijë ai këtu. Petriti u tregua tropojan tolerant. Erdhi më tha kështu, kështu.
E mora drejtorin..O zoti president tha kënaqësi e madhe pas kësaj kohe të gjatë. Ti e di i thash që jam president i PL. I thash se çke një drejtoreshë që se di që jam, kërkon të vijë unë të firmos për të paguar pagat e punonjësve të Partisë së Lirisë. Më vjen keq tha, çpunë ke ti këtu. Unë jam gati i thash të vij, të vijë dhe ajo. S’na ka ndodh kjo në asnjë bankë tjetër. I thash që ajo punonjësja juaj i ka thënë që Presidenti të shkojë në Lundër. Shkoj dhe në Lundër i thash unë se kam problem, kjo nuk është normale. Ai më dërgoi mesazh pas 3 orësh, më tha më vjen keq për incidentin që ka ndodhur, personi që keni autorizuar është i mirëpritur që nesër”, tha fillimisht Ilir Meta.
Pa e përmendur emrin, Meta iu drejtua bankës duke i thënë se e falimenton për 24 orë, vetëm duke u bërë thirrje qytetarëve që të tërheqin kursimet.
“Mund ta falimentoj atë bankë për 24 orë, duke iu bërë thirrje shqiptarëve të tërheqin të gjitha kursimet, nga ajo bankë dhe çdo bankë. Ta falimentoj më keq se Suden. Ua them juve dhe gjithëve, pa ekspozuar bankën, se s’dua të dëmtoj asnjë bankë. Nëse drejtori do mbante qëndrim tjetër, do u bëjë thirrje të largojnë kursimet, se o është bankë që ka falimentuar përderisa si përgjigjet PL për llogaritë, si do i përgjigjet qytetarit të zakonshëm. Nëse kjo bankë nuk njeh Ilir Metën president, si do njohë Dea Nakon si qytetare.
Kë njeh president kjo drejtoresha, këlyshët e Dumdumanit, Ramoviçit. Kë njeh? Në emër të kujt i bëhet kjo bllokadë partisë së tretë parlamentare. Ja bllokuan llogaritë e PL, do bllokojnë Ilir Metën. Do fshehin aferën e detit, të Lulzim Bashës dhe Ramës. Hë me Tedi, e fshehin dot po shkrimin e 28 prillit, po emailin e 27 prillit. Dumdumani kjo qenie e pështirë ka marrë njerëz peng në PL, me korrupsionin e tyre, për të ekzekutuar pluralizmin në Shqipëri.”, tha Meta.
- Me tone të ashpra duke përplas tavolinën, Meta kishte një mesazh për Edi Ramën
Me tone kërcënuese këtë mes gushti, kreu i Partisë së Lirsë Ilir Meta i përmendi Edi Ramës tokat në Gjipe, duke i thënë se nuk do t’i gëzojë.
“Ti Ramoviç fëlliqësirë e kombit shqiptar. Ti që bëre dopjo lojë me atë tjetrin me detin. Ti që i ngul çdo ditë thika pas shpine Kosovës ta dish mirë që ato laraskat e ish LSI nuk të shpëtojnë dot ty. Edhe shumë shpejt do përgjigjesh. Ti dhe gjithë enturazhi yt për shërbimet armiqësore ndaj këtij kombi. Në Shqipëri është garë e madhe për tu shitur si parti atlantike, ne jemi parti patriotike. Ne luftojmë për parimet vlerat, moralin e gjyshërve tanë. Që për një fjalë luftonin në Vlorë. Që nuk kishin pension dhe për një fjalë luftonin për Shqipërinë. Ne nuk kemi parimet tuaja. Dhe ato tokat që more në Gjipe dhe në gjithë Shqipërinë nuk do ti gëzosh. Shqipëria do të jetë e shqiptarëve, ta dish mirë ti. Kaq flasim për sot”, përfundoi Meta.
