Debati për hapjen e Urës së Ibrit pritet të zhvendoset në Bruksel. Lajmi është bërë i ditur nga zëdhënësja e Bashkimit Europian, Nabila Masrali në një prononcim për mediat kosovare.
“BE planifikon të vendosë statusin e urës në agjendën e takimit të ardhshëm të dialogut”, citohet të ketë thënë zëdhënësja e BE.
Bashkimi Evropian ka kundërshtuar këtë iniciativë, pasi sipas unionit hapja e urës në mënyrë të njëanshme do të rrisë tensionet në veri.
Ndërkohë një qytetar Kosovar është treguar “i paduruar” dhe tentoi që të kalonte urën e Ibrit.
Çuditërisht i ishte shmangur policisë dhe ka hyrë në urë nga ana e pjesës jugore për të dal në veri, por është ndalur nga karabinierët italianë dhe efektivët policorë e kanë urdhëruar të kthehet mbrapsht.
Makina me të cilën ai udhëtonte, mbante targat me mbishkrimin, “Bac u kry”.
