Kreu i grupit parlamentar të PD-së, Gazment Bardhi nga foltorja e Kuvendit u është përgjigjur të gjithë atyre që e kanë konsideruar si pazar mbylljen e listave dhe kritikëve ndaj kësaj formule.
Bardhi hodhi poshtë akuzat për pazar, teksa sipas tij, me këtë marrëveshje respektohet vendimi i Gjykatës Kushtetuese. Ai shtoi më tej se Kushtetuesja nuk urdhëron hapjen e 100% të listave por ja lë në dorë partive politike.
Ai pati disa fjalë edhe për “dashnorët e listave të hapura”, siç i konsideroi ai, teksa tha se ata nëse do ishin kaq parimor do t’ua linin mandatin atyre që kishin marrë më shumë vota në zgjedhjet parlamentare të vitit 2021. Bardhi tha se cilido dashnor i votës mund të kandidojë si i pavarur dhe të futet në Kuvend.
Gazment Bardhi: Në këtë foltore po flitet për shumëçka por jo për thelbin. Po nxirret çdo problem i së shkuarës iu referua përmbajtjes konkrete të asaj sot. Cilido dashnor i votës ka mundësi të kandidojë si kandidat i pavarur të marrë vota dhe të vijë në këtë sallë. Ne po nxitemi të zbatojmë vendimet e GJK. Drafti i paraqitur nga kolegët parashikon ekzaktësisht vetëm këtë. I kemi krijuar mundësi çdo qytetari të Republikës së Shqipërisë dhe secilit kolegëve që është në këtë sallë si pasojë e vullnetit të partive. Nëse ishit dashnor të listave të hapura hiqni dorë nga mandati dhe lini vendin atyre që morën më shumë vota. Secili prej nesh ka patur deputetë poshtë listave e që kanë marrë më shumë vota. Meqë qenkeni parimor dhe dëshironi që të vijnë në Kuvend, jepni dorëheqjen. Kush thotë se GJK ka urdhëruar të jenë listat 100% të hapura ose gënjen ose është injorant. GJK ka shfuqizuar numerikisht herësin e 2020 duke e konsideruar si numër votash jo proporcional.
Ka quajtur si kushtetuese të drejtën e ligjvënësit që të përcaktoj modelin më të mirë. Jo më pak se 1/3 e listës së kandidatëve të partive të jenë të hapur. A është propozimi më i mirë, ndoshta po, ndoshta jo. ne sot diskutojmë që ajo formulë nuk ishte më e mira. Ku ka sistem më të pastër se mazhoritari. Po kush i cakton kandidatët në sistemin mazhoritar? A mund të jetë ai sistemi më i mirë. Mund të jetë. Jepni ide, jepni propozime. Ndryshe nga çthuhet, pazar pazar. Duhet të bëjmë krahasimin me sistemin që kemi sot. 3 kolegë kanë ardhur ndryshe, si pasojë e thyerjes së herësit. 137 të tjerët janë produkt i listave të mbyllura. Në shkojmë drejt një formule, ku 100 deputetë renditen nga partia politike, dhe 40 të tjerë që i cakton po partia politike do kenë mundësi të jenë përfaqësues i qytetarëve në Kuvend. 40 deputetë të ndarë në parti është numër i domosdoshëm për të përcaktuar qeverisjen në vend.
Po mund të ketë qenë gabim. Në çdo palë zgjedhje ofrojmë mundësi të ndryshme. Nuk mund të ketë zgjidhje pa u testuar. Propozimi sot, çdo qytetar i Republikës së Shqipërisë që ndodhet jashtë do të votojë atje ku ndodhet. Është një arritje. Gjysma e shqiptarëve, ata që mbajnë prindërit këtu do të kenë mundësi të diktojnë qeverisjen e vendit. Dëgjova pazar, i kishim koalicionet në 2019. Ta kesh të drejtën për të bërë koalicion dhe të heqësh dorë me marrëveshje me kundërshtarin politik. Ky është Pazar. Janë mësuar ta bëjnë politikën si pazar. Këta kishin mundësi dy vjet ta impononin Edi Ramën dhe nuk bënë asgjë.
E përshëndes deklaratën e OSBE për kuotën gjinore. Nëse ne nuk pyesim për punën e vëzhguesve tuaj mos harxhoni lekët për të sjellë vëzhgues. Puna për reformën zgjedhore do duhet të vijojë. Dy apo tre muajt në vijim duhet të gjithë bashkë të bëjmë të mundur reformën e duhur zgjedhor që na kërkohet në çdo raport vëzhgimi të Shqipërisë për anëtarësim në BE.’
