Apeli i Gjykatës së Posaçme ka kthyer në burg biznesmenin Ervis Lami, i cili akuzohet se ka marrë tendera nga ish-drejtori i ARRSH, Evis Berberi i cili aktualisht ndodhet i arrestuar.
Ervis Lami, administronet firmën ‘DAAM’, e cila sipas Prokurorisë së Posaçme ishte në pronësi të kreut të ARRSH-së Evis Berberi i cili ka firmosur 6 tendera në favor të ortakëve të tij. SPAK thotë se përfitimi i Berberit ka qenë një shumë gati 2.2 milionë euro të cilat përmes kompanisë ‘DAAM’ shpk, janë investuar në pasuri të paluajtshme.
Kujtojmë që më herët SPAK sekuestroi pasuritë e Lamit, konkretisht kompania DAAM dhe 5 sipërfaqe toke të kësaj kompanie. SPAK shprehet se Berberi me paratë ka blerë pasuri të patundshme në Mangull të Tiranës.
Evis Berberi akuzohet për veprat penale “Korrupsioni pasiv i personave që ushtrojnë funksione publike”, “Pastrimi i produkteve të veprës penale apo i veprimtarisë kriminale”, kryer në bashkëpunim.
Ndërsa Valter Begaj dhe Ervis Lami akuzohen për kryerjen e veprave penale “Korrupsioni aktiv i personave që ushtrojnë funksione publike”, kryer në bashkëpunim dhe “Pastrimi i produkteve të veprës penale apo i veprimtarisë kriminale”, kryer në bashkëpunim.
VENDIMI I APELIT TE GJKKO:
“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më 25.07.2024, shpalli vendimin mbi çështjen penale nr. 160 akti, datë 17.07.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, me objekt: “Ankim ndaj vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, ndaj shtetasit nën hetim E.L., disponuar në lëndë të masave të sigurimit personal, dhe vendosi:
•Ndryshimin e vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar në pikën e disponimit për zëvendësimin e masës së sigurimit personal si më poshtë:
•Vazhdimin e masës së sigurimit personal me karakter shtrëngues “arrest në burg” parashikuar nga neni 238 i K.Pr.Penale, e caktuar me vendimin nr. 21, datë 13.03.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj personit nën hetim E.L.”, thuhet në njoftim.
- Sekuestrimi i pasurive të dy ortakëve të Evis Berberit
Kujtojmë që më herët SPAK ka sekuestruar pasuritë e dy ortakëve të Evis Berberit, biznesmenëve Valter Begaj dhe Ervis Lami. Valter Begaj është personi kyç që ka shërbyer për të pastruar paratë e përfituara përmes tenderave të paligjshëm nga kreu i ARRSH-së.
Në njoftimin zyrtar, SPAK thotë se ka sekuestruar mijëra sipërfaqe toke, 6 automjete dhe nje motomjet. Këto pasuri i takojnë shoqërisë “DAAM” shpk, me ortak Valter Begaj dhe administrator Evis Lami, të dy persona nën hetim. Pasuritë e sekuestruara:
· Kuotat e shoqërisë “DAAM” sh.p.k., me ortak personin nën hetim V. B. dhe administrator personin nën hetim E. L;
· Pasurinë e paluajtshme Nr.80/2, e llojit “arë”, me sipërfaqe 25,100 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.
· Pasurinë e paluajtshme e llojit “arë” me sipërfaqe 1,000 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Pasurinë e paluajtshme e llojit “arë”, me sipërfaqe 1,080 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Pasurinë e paluajtshme e llojit “arë”, me sipërfaqe 2,055 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Pasurinë e paluajtshme me sipërfaqe 5,000 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Automjetin e markës “SKODA”, modeli “FABIA”, viti i prodhimit 2019;
· Automjetin e markës “JEEP”, modeli “COMPASS”, viti i prodhimit 2011;
· Automjetin e markës “BMË”, modeli “X3”, viti i prodhimit 2004;
· Automjetin e markës “FORD”, modeli “KUGA”, viti i prodhimit 2011;
· Motomjetin e markës “DAYANG”, modeli “DY125T-32”, viti i prodhimit 2022;
· Automjetin e markës “KIA”, modeli “SELTOS”, viti i prodhimit 2020;
· Automjetin e markës “HYUNDAI”, modeli “AVANTE”, viti i prodhimit 2020;’- njofton SPAK.
