Grupi Parlamentar i Partisë Demokratike ka propozuar deputeten Ina Zhupa si zëvendësuese e Flutura Açkës në krye të komisionit të Edukimit.
Mësohet se Açka është shkarkuar me një vendim të marrë në datën 22 korrik.
Ndërkohë sot, Açka njoftoi largimin nga grupi parlamentar i PD, por edhe dorëheqjen nga posti i Kryetares së Komisionit për Edukimin. Ajo tha se vendimi i saj vjen fill pak orë pasi PS dhe PD arritën dakordësi për draftin për Reformën Zgjedhore, por siç duket në fakt vendimi për ta larguar Flutura Açkën është marrë që në datën 22 korrik.
