Deputetët e Partisë Socialiste kanë rrëzura me ngritje kartoni kërkesën e kreut të grupit parlamentar të PD-së, Gazment Bardhi, i cili kërkoi mocion me debat për raportion e OLAF për fondet e IPARD për bujqësinë, të cilat janë bllokuar nga BE pas zbulimit të skandalit korruptiv.
Bardhi deklaroi nga foltorja e Kuvendit se mocioni u kërkua pas një raporti zyrtar të OLAF dhe jo në bazë të aludimeve apo thashethemeve. Ai shtoi se ky raport duhet t’i jetë vënë në dispozicion edhe Ministrisë së Bujqësisë dhe nëse nuk i është vënë, atëhere sipas tij kjo ministri është shpallur “skenë krimi”.
Bardhi akuzoi mazhorancën se do që t’i mbajë të mbylura fondet e IPARD për fermerët.
Gazment Bardhi: Ka një njoftim zyrtar në zyrën kundër mashtrimit në BE, që deklaron se ka informuar autoritet përgjegjëse mbi raportin përfundimtar të OLAF sa i takon abuzimeve me fondin e bujqësisë. Unë nuk e di se cfarë kërkon diçka më shumë zyrtare. Ministrja është prezente. Raportin zyrtar të OLAF, ministrja do duhet ta ketë marrë, nëse nuk jua kanë sjellë, do të thotë që nuk kanë besim. Nëse ministrisë e bujqësisë e kanë shpallur skenë krimi, mendoj që nuk mund t’ia kenë vënë në dispozicion.
Raporti është përfundimtar dhe mocioni me debat bazohet mbi njoftimin zyrtar. Asnjë e dhënë nuk është thashethem por është dokumenti zyrtar mbi kontrollin publik. Pas hetimit të rastete është vërejtur nga RSH është abuzuar me fondin e dhënë në kuadër të IPARD 2, konisderohet i papërshtatshëm dhe i kërkohet KE të pezullojë dhënien e fondit IPARD 3, 112 milion euro derisa të merren masa për të mbrojtur interesat financiare.
Opozita i shtriu dorën mazhorancës që të bëhemi bashkë dhe të analizojmë gjetjet e OLAF, në funksion të zhbllokimit të fondeve. Nëse do e kishim përdorur këtë çështje për politikë do kishiom vendosur gishtin tek përgjegjësit. Këta po nuk patën fonde që ti vjedhin. Këta nuk i duan fondet. Ata që vuajnë pasojat janë qytetarët shqiptarë. Jemi për të përfaqësuar interesin e qytetarëve shqiptarë, që këto fonde të zhbllokohen.
E vetmja kopetencë e konferencës së kryetarëve është të caktojë datën e mocionit për debat. Dhe jo më vonë se 30 ditë nga paraqitja e kërkesës për mocion. Doni ti mbani të bllokuara fondet për fermerët. Janë 112 milion euro të dhëna në dispozicion. A është ky interesi i të gjithëve ne? Kolegët thoshin në Konferencën e Kryetarëve të mbylli Prokuroria hetimet.
Detyra jonë është që fondet ti bëjmë efektiv një orë e më parë. Çfarë po bën Kuvendi që këto fonde ti shkojnë bujqësisë. Nuk kanë kohë për të pritur. Nuk duhet ta harxhojmë kohën asnjë minutë, por duhet të bëhemi bashkë për të marrë masat që i japin garanci Komisionit Europian për të zhbllokuar fondet në ndihmë të bujqësisë. Përgjegjësia është e juaja. Debatin do ta bëjmë. As ju Kryetare as Konferenca e Kryetarëve nuk ka të drejtë të na mohoj të ndihmojmë fermerët shqiptarë.
Ndërkohë, kreu i grupit parlamentar të PS-së, Bledar Çuçi tha se mazhoranca është e hapur për debat, por nuk është momenti i duhur pasi qeveria po bën përpjekje për të zhbllokuar fondet dhe se raporti i OLAF është ende konfidencial.
Nikolla: Deri në daljen e një dokumenti zyrtar nuk mund ta zhvillojmë.
