Anëtari i Kryesisë së PD-së, Belind Këlliçi ka reaguar në lidhje me urdhër-arrestet e lëshuar ditën e sotme nga SPAK në lidhje me inceneratorin e Tiranës, ku ende nuk dihet se sa është numri konkret i tyre.
Në një postim në rrjetet sociale, Këlliçi shkruan se ende nuk ka një njoftim zyrtar për “super mega” aksionin e SPAK, teksa deri më tani ka zero arrestime dhe zero ndalime. Ish-deputeti demokrat thekson se inceneratorin fantazëm edhe ditën e sotme “pronari faktik”, duke iu referuar kryebashkiakut Erion Veliaj e pagoi 80 mijë euro nga taksat e qytetarëve.
Këlliçi shtron pyetjet se çfarë mund ta ketë detyruar SPAK-un që të dështojë në mënyrë kaq spektakolare, teksa rendit disa prej përgjigjeve alternativë.
Postimi i plotë:
Ende asnjë njoftim zyrtar nga “super mega” aksioni i SPAK për inceneratorin fantazmë të Tiranës, të cilin edhe sot pronari faktik e pagoi 80.000 euro nga taksat tona! Zero arrestime, zero ndalime!
Deri më tani janë 132 milionë euro nga taksat e qytetarëve të Tiranës të djegura nga inceneratori, sëbashku me ato masat e famshme të ndalimit për Grupin e Strukturuar Kriminal dhe kreun e grupit Erion Veliaj!!!
Vallë çfarë mendoni, të dashur miq, ta ketë detyruar SPAK të dështojë në mënyrë kaq spektakolare?
a) Gjoba që pronari faktik thotë se ka paguar në SPAK
b) Të qenit “kolegë” me pronarin faktik
c) Urdhër nga ai i “gjati” që firmosi bonusin 8%
d) Të gjitha opsionet e mësipërme
Jepni lirisht mendimet tuaja të dashur miq!
PS: Shumë kurioz jam për raportin e punës së SPAK përpara Kuvendit të Shqipërisë ditën e hënë! Me siguri do flitet për arritje dhe suksese të reja të reformës në drejtësi!
