Opozita do të mbajë një protestë kombëtare mbrëmjen e sotme para godinës së Kryeministrisë, ku veç kundër skandaleve të Qeverisë, do të kërkojnë dhe lirimin e liderit demokrat Sali Berisha si dhe qeveri teknike para zgjedhjeve.
Analisti Genc Burimi në një intervistë televizive, aprovon kauzën për lirimin e Berishës, ndërsa shpreh rezerva për të kërkuar qeveri teknike.
“Do arrijë atë në të kaluarën të vërë në presion. Kërkojnë dy gjëra, lirimin e Berishës dhe qeveri teknike. Nëse e lexojmë drejtë të dy kërkesat e kësaj proteste. Lirimin e Berishës e motivojnë se nuk ka akuzë dhe po ashtu sikur të kishte prova do ishin të njëjta për të cilat akuzohet Rama. Kjo bën që drejtësia të vonohet. Mbi ç’bazë Berisha do gjykohet dhe do dënohet. Drejtësia nuk është në situatë të lehtë me Berishën. Jam i rezervuar pasi qeveri teknike nuk është në fjalorin teknik në demokraci.” – tha analisti.
Burimi shton më tej se PD duhet të protestojë para SPAK dhe jo tek Kryeministria.
“Kjo protestë nuk duhet të ndodh para qeverisë. Edhe sikur Rama të jetë përbindëshi, nuk protestohet [patra dritareve të tua që të korrigjohesh,. Ka arsye të protestosh para SPAK. Është efikase, që ky SPAK është i kapur nga ndërkombëtarët. Në botë nuk ka rast ekuivalent në kushtetutë që drejtësia e një vendi sovran është në duart e ONM. Them është drejtësi e kapur me letër.
Po të jetë e kapur nga organe drejtësie perëndimore do thoja hallall. Është e kapur nga organe ekzekutive në perëndim. Është e kapur nga ekzekutivi amerikan dhe europian, këto ekzekutive kanë qasje gjeopolitike. Kur drejtësia është e kapur nuk është e drejtë. Administrata amerikane ka problem konfliktet në botë, në Tajvan, Hamasi me Izraelin dhe në Ballkani që mund të plas. Kërkon sa më shumë ta qetësojë situatën dhe të merret me sfidën kryesore që është Kina.
Në Tiranë gjetën Edi Ramën që ndryshe nga Berisha është i gatshëm të luajë dialogun me Serbinë, ta fus dialogun mes Gjermanisë dhe Francës. Deri tani SPAK ka pasur detyrim të mos preket Rama. Se nuk ka alternativë për Ramën. Dhe Rama i fuqishëm mendon se gjithçka i lejohet. Dhe filloi me këtë korrupsion galopant. Rama kërkon dhe amnisti fiskale.” – tha Burimi
