Pasi u paraqit në SPAK gjatë ditës së sotme, Olsi Rama në një prononcim të shkurtuar për mediat, ka treguar arsyen pse shkoi në Prokurorinë e Posaçme.
Ai tha para mediave se në prokurorinë e posaçme ai ka shkuar për të marrë një përgjigje se ç’po ndodh me kallëzimin e tij kundër Gazment Bardhit.
“Nuk e di se çfarë ka vendosur prokuroria për kallëzimin tim. Do e shoh dhe do ju njoftoj nëse është e domosdoshme. E kam bërë kallëzimin se është bërë një manipulim i madh. S’kam asnjë çerek lidhje me bosët e Xibrakës.
Dëgjo, ju e dini shumë mirë se i kujt është automjeti. Ia kam marrë një personi në atë kohë për të bërë dy ditë udhëtim në Selanik. I kam mohuar të gjitha, se nuk ka asgjë të vërtetë. Do të vij sa herë të jetë nevoja.”, tha ai.
Kujtojmë se Gazment Bardhi ka deklaruar dhe ka kërkuar hetim nga SPASK, lidhur me një përfshirje të mundshëm të vëllait të kryeministrit në udhëtimin që disa persona të akuzuar për çështjen “Xibraka”. Pas kallëzimit, të tij, ka qenë Olsi Rama i cili ka bërë një kallëzim kundër Gazment Bardhit.
