Një ngjarje e rëndë është regjistruar sot në fshatin Shkallnur të Durrësit, ku një djalë dyshohet se ka qëlluar me thikë babain e tij.
Mësohet se autori i vrasjes, Marjan Kodheli, 25-vjeç, është një person me probleme të shëndetit mendor.
Si pasojë e plagëve të marra, viktima Pjetër Kodheli, 69 vjeç, ka ndërruar jetë gjatë transportit për në spital.
Autori është larguar nga vendngjarja menjëherë pas krimit, ndërsa forcat e Policisë kanë rrethuar zonën dhe po vijojnë kërkimet për kapjen e tij.
Durrës/Informacion paraprak
Rreth orës 13:00, shtetasi M. K., 25 vjeç, dyshohet me probleme të shëndetit mendor, ka vrarë me mjet prerës (thikë), babanë e tij, shtetasin P. K., 69 vjeç, në banesën e tyre, në fshatin Shkallnur.
Shërbimet e Policisë, menjëherë pas njoftimit, kanë shkuar në vendngjarje, kanë rrethuar zonën dhe po kryejnë kontrolle intensive, me qëllim kapjen e 25-vjeçarit.
Ndërkohë, grupi hetimor po punon për zbardhjen dhe dokumentimin e rrethanave të rastit.
