Anëtari i Kryesisë së PD-së, Belind Këlliçi, gjatë një takimi me strukturat e partisë në Përmet, bëri thirrje për bashkim, pas marrjes së vulës.
Ai tha se duhet t’i shtrijnë dorën kujtdo që ka hatër mbetje dhe ka pasur divergjenca me ta, nëse kanë një kundërshtar të përbashkët, si Edi Rama. Këlli tha se dyshen Lulzim Basha dhe Enkelejd Alibeaj nuk do t’i donte në PD, por e theksoi se ky është vetëm qëndrimi i tij personal.
“E rithemeluam dhe luftuam për një pluralizëm që është fituar me gjak në kushte të jashtëzakonshme. Atë kapitull, nga dita e dhënies së vendimit ta konsiderojmë të mbyllur. Sot beteja është me Ramën dhe shpurën e tij. Nga Përmeti, t’i shtrijmë dorën kujdo që ka hatër mbetje dhe ka pasur divergjenca me ne, për t’u bërë bashkë. Nëse kemi një kundërshtar të përbashkët, duhet të jemi bashkë. Dyshen Alibasha nuk do të doja të vinin në PD, por këto janë qëndrimet e mia personale. Koha të mbyllin kapitullin dhe të vijojmë betejën”, tha Këlliçi në një takim me drejtuesit lokalë dhe simpatizantët në Përmet.
