Ashtu siç ishte njoftuar, mëngjesin e kësaj të premte është mbajtur mbledhja e parë e të ashtuquajtur Komision i Posaçëm Anti-Korrupsion, ku në fokus është konstituimi i tij.
Mbledhja e parë e komisionit është bojkotuar nga ana e opozitës, teksa në mbledhje janë vetëm socialistët. Opozita e ka bojkotuar këtë komision edhe në dy votimet në Kuvend.
Në krye të këtij komisioni, kryeministri Edi Rama ka vendosur Fatmir Xhafajn, vëllain e trafikantit të drogës Geron Xhafaj, duke e rikthyer në post, pasi e flaku në vitin 2018 nga Ministria e Brendshme.
Sipas draftit të miratuar në Kuvend, komisioni ka në përbërjen e tij 11 anëtarë, 6 nga PS dhe 5 nga opozita, ku anëtarët janë kryetarët dhe zv. kryetarët e 4 komisioneve të përhershme parlamentare dhe ata të Këshillit të Integrimit Evropian.
Veç Fatmir Xhafajt, janë dhe si anëtarë deputetët Klotida Bushka, Eduard Shalsi, Etilda Gjonaj, Evis Kushi dhe Toni Gogu. Ndërsa nga ana e opozitës, në mbledhje duhet të ishin Jorida Tabaku, Dhurata Tyli Çupi, Sorina Kote, Flutura Açka dhe një deputet tjetër.
Emri zyrtar i komisionit në fjalë është “Komisioni i Posaçëm i Kuvendit për Thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian”.
Opozita e ka interpretuar ngritjen e këtij komisioni si një tentativë të kryeministrit Edi Rama për të vënën nën kontroll SPAK-un dhe GJKKO-në, ndërsa Lulzim Basha e ka quajtur atë një manovër elektorale.
Në nisje të komisionit, vëllai i trafikantit të drogës Geron Xhafaj, i bëri thirrje opozitës për të reflektuar edhe të marrë pjesë. Ai mori si shembull reformën në drejtësi të nisur në vitin 2014.
“Si mbledhje e parë për konstituimin e Komisionit, çka është një detyrim që rrjedh nga rezoluta e miratuar nga Kuvendi. Ky Komision ka për qëllim thellimin e reformave shtet formuese, për mirëqeverisjen e vendimit, luftën ndaj korrupsionit, kjo është përcaktua qartë në rezolutë. Objektivi i Komisionit të Posaçëm Parlamentar, përgjegjësia jonë është të adresojmë sfida në interesin ë qytetarëve dhe në funksion të integrimit të vendit. Kam bindjen se do të jetë proces gjithëpërfshirës, në rrafshin politik, institucional e social. Roli i opozitës është tejet i rëndësishëm, pjesëmarrja e saj në këtë proces është me rëndësi për qëllimet që do të adresojë kjo reformë. Jam i keqardhur që opozita nuk iu është përgjigjur pozitivisht kësaj ftese për bashkëpunim, këtij detyrim të përbashkët për pjesëmarrje dhe angazhim në këtë Komision që buron nga Kushtetuta, pjesë e së cilës jemi bashkarisht.
Ky Komision synon të adresojë çështje me rëndësi jetike për qytetarët, për të ardhmen e vendimit, çështje që shkojnë përtej interesit të partive tona, pasi i shërbejnë forcimit dhe modernizimit të vendit, të ardhmes së vendit tonë. Për fat të keq, kjo situatë e sotme më sjell në kujtesë një situatë të ngjashme kur filloi veprimin në 2014 Komisioni i Oosaçme për Reformën në Drejtësi. Opozita edhe atëherë në 2014. megjithëse e votoi ngritjen e Komisionit, nuk mori pjesën në mbledhjen e parë të konstituimit të atij komisioni dhe në disa mbledhje në vazhdim. Reflektuan me vonesë dhe u përfshinë më pas. Koha tregoi që kolegët tanë gabuan atëherë, kjo i kushtoi shumë politikisht dhe elektoralisht. Shpresoj që kjo histori të mos përsëritet dhe ta kemi midis nesh opozitën. Procesi do të duhet të ecë përpara duhet zhvilluar një proces sa më gjithëpërfshirës, transparent, duke përfshirë të gjithë aktorët e mundshëm, të shoqërisë civile, botës akademike, grupeve të interesit. Kjo mbledhje është hapi i parë i natyrës formale përgatitore, si mbledhje edhe detyruese për ne.” – deklaroi fatmir Xhafaj, vëllai i trafikantit të drogës Geron Xhafaj.
Për shkak të biojkotit të opozitës, për të zgjatur sado pak mbledhjen e parë, të pranishme ishin edhe kryetarja e Kuvendit Lindita Nikolla dhe ministrja e Shtetit për Marrëdhëniet me Parlamentin, Elisa Spiropali. Edhe ato, gjatë fjalës së tyre, shprehën keqardhje tek mungesa e opozitës, duke “i shtrirë dorën” për pjesëmarrje.
“Ka një mision të rëndësishëm kombëtar, me përgjegjësinë që kuvendi i ka ngarkuar për kurorëzimin e anëtarësimit të Shqipërisë në BE, përmes sundimit të ligjit dhe luftës ndaj korrupsionit, komisioni do ketë mbështetjen e plotë të kuvendit dhe timin personal. Komisioni nuk ka asnjë ngarkesë politike apo interes partiak. Duke qenë se është komision gjithëpërfshirës shpreh keqardhjen që opozita nuk është prezentë”, tha Nikolla.
“Dora jonë për kolegët e opozitës mbetet e shtrirë, debatet politike janë të përditshme, dialogu politik institucional me pushte të tjera përbëjnë qasje të re dhe të nevojshme për një cikël të ri reformimi demokratizmi dhe forcimi të rolit të vendit, kjo është puna që mbetet.”, tha Spiropali.
Në përfundim të mbledjhjes së sotme, e cila zgjati vetëm me tre fjalime të Xhafajt, Nikollës dhe Spiropalit, vëllai i trafikantit të drogës njoftoi se do të mblidhen sërish javën e ardhshme.
Komisioni i Posaçëm do të zhvillojë veprimtarinë e tij në një afat kohor 10 mujor. Në rast nevoje, me kërkesë të arsyetuar të komisionit, Kuvendi mund të vendosë zgjatjen e afatit të ushtrimit të veprimtarisë së komisionit.
Socialistët kanë 11 vite në Qeveri, teksa janë “të mbytur” në akuza për korrupsion dhe Shqipëria në çdo raport del si vendi më i korruptuar në Europë, teksa mazhoranca të kujtohet 1 vit para zgjedhjeve për të luftuar korrupsionin në vetëm 10 muaj.
