Kreu i ‘vulës’, Lulzim Basha nga salla e Kuvendit ka komentuar ngritjen e Komisionit të Posaçëm Antikorrupsion.
Gjatë fjalës së tij sot në Kuvend, Basha se të vetmet akte të dërguara për luftën ndaj korrupsionit, janë varrosur në sirtarët e pluhurosur të shumicës socialiste.
Basha tha se propozimet e PD mbahen në Kuvend dhe nuk futen në rend dite as për diskutim. Ai shtoi se prej një më shumë se një muaji në Kuvend janë dorëzuar amendamentet e PD për të ndihmuar SPAK financiarisht me burime njerëzore.
Gjithashtu Basha tha se qeveria nuk ka vullnetin për të luftuar korrupsionin, pasi SPAK ekziston vetëm sepse ekziston korrupsioni i qeverisë.
“Teatri që shihni në këtë sallë po bëhet për një arsye të vetme. Ndërkohë që pritet ngritja e një tjetër komisioni, të vetmet akte të dërguara për luftën ndaj korrupsionit, janë varrosur në sirtarët e pluhurosur të kësaj shumice të përmbysur moralisht nga aferat korruptive, të kësaj qeverie të mbytur deri në fund.
Sot sillni në këtë sallë një propozim që krijohet kur do të varrosësh një ide të mirë apo të mos bësh asgjë. Prej një më shumë se një muaji në Kuvend janë dorëzuar amendamentet e PD për të ndihmuar SPAK financiarisht me burime njerëzore dhe me amendime të kodit të procedurës penale, pse refuzoni të paktën ta sillni për diskutim, çfarë ju shtyn të mbani larg transparencës propozimin tonë për barazinë e qytetarëve para ligjit për heqjen e imunitetit. Pse nuk e shikoni ligjin për vettingun në politik. Merrni propozimet tona për ligjin zgjedhor”, tha Basha.
