Një 42-vjeçare shqiptare është arrestuar nga policia italiane, pasi akuzohet për plagosje të dyfishtë.
Shqiptarja ka shkuar në shtëpinë e fqinjëve të saj mbrëmjen e së mëkurës, rreth orës 18:00, dhe ka goditur me thikë kuzhine, në pjesët e sipërme të trupit nënë e bijë të moshës 90 vjeçare dhe 62-vjeçare.
Mediat italiane shkruajnë se 42-vjeçarja është strehuar në një oborr të brendshëm të shtëpisë, ende me thikën në dorë.
Karabinierët e lokalizuan dhe armën e ftohtë e sekuestruan në cilësinë e provës materiale.
Mësohet se nënë e bijë ndodhen në gjendje kritike për jetën, në spital. Gjithashtu në spital është dërguar dhe 42-veçrja shqiptare e cila po mbahet në departamentin e psikiatrisë për hetimet e nevojshme.
