Kreu i Partisë Demokratike, Sali Berisha gjatë fjalimit të tij para mbështetësve mbrëmjen e sotme tha se Artur Metani vepron sipas urdhrave të Edi Ramës.
Gjithashtu Sali Berisha i bëri thirrje kryebashkiakut socialist Erion Veliajt që të dorëhiqet sa më shpejt nga bashkia e Tiranës.
“Sot, një nga kriminelët e aferës së djegësave, Artur Metani, ishte edhe ai në parlament. Deputetja Elda Hoti e pyeti a ka afat ligjor për zbardhjen e vendimeve nga gjykata. Ka, por nuk tha se gjykatat vendimet i vonojnë tre herë, pesë herë, dhjetë herë jashtë afatit ligjor. Se qindra të paraburgosur u liruan dy vite në paraburgim pa marrë vendimin e gjykatës.
Apo mbetën pa u liruar. Miqtë e mi, të gjitha këto janë urdhrat e Edi Ramës. Të gjitha këto vijnë nga zyrat e Edi Ramës. Ndaj dhe kjo betejë mbyllet vetëm me fitoren, me triumfin tonë.
Erion Veliaj, të shoh që si hije, si hienë fshehtas kalon nga vend në tjetër. Zyra të ha, zyra të tmerron. Jep dorëheqjen se edhe njëherë të them, do varesh në shtyllën e turpit bashkë me Altin Zamanin, këtë mercenar që të mbron ty. Edhe njëherë, mirënjohje të pakufishme. Ftoj qytetarët të bashkohen me ne, se shqiptarët, se kjo është beteja më jetike që shqiptarët kanë zhvilluar ndonjëherë në histori” tha Berisha.
