Pas përfundimit të mbledhjes së Grupit të Dialogut, nënkryetari i PD-së, Oerd Bylykbashi është prnoncuar për mediat. Ai tha se mbledhja e sotme ishte kërkuar nga opozita për të diskutuar mbi reformën zgjedhore, që sipas tij, mazhoranca nuk ka vullnet për të bërë një kod të ri zgjedhor.
Bylykbashi tha se ky takim kishte për qëllim riaktivizimin e këtij grupit, ndërsa shtoi se objektivi kryesor i opozitës sa i përket reformës zgjedhore është rikthimi të marrëveshja e “5 qershorit”, duke rikthyer kështu edhe koalicionet parazgjedhore.
Sa i takon votës së diasporës, Bykykbashi tha se PS nuk është promotore ashti sic pretendon, por motorri prishës i kësaj të drejte.
“Së pari mbledhje e sotme me kërkesë të opozitës kishte për qëllim të riaktivizonte grupit e dialogut. Deri më tani nuk ka pasur vullnet nga mazhoranca. E kemi thënë që në fillim objektiv kryesor për në është rikthim e marrëveshja e 5 qershorit. Ka funksionuar për shumë vite shumë mirë dhe nuk ka asnjë arsye pse të mos rikthehet. Duhet që zgjedhësit të kenë mundësinë që të kenë listën e hapur të partive. Ne do të luftojmë dhe kjo do të jetë një cështje që do të ndajë në mënyrë të rëndësishme qëndrimet e palëve në këtë çështje.” – tha Bylykbashi.
