Ndeshje spektakolare, me raste dhe emocione por pa fitues ajo që u zhvillua sonte në Serie A, stadiumi “Olimpico”.
Roma dhe Juventusi i kanë ndarë pikët, pasi barazuan 1-1 në kuadër të javës së 35-të në Serie A.
Pas 15 minutash lojë, Giallorossët kaluan në epërsi me anë të Romelu Lukakut.
Por, në minutën e 31-të, Geilson Bremer i barazoi shifrat në 1-1, kur u asistua prej Federico Chiesas. 45 minutat e dytë ishin edhe më të luftuar, me dy skuadrat që synonin ta shënonin golin e fitores.
Me të filluar pjesa e dytë, Chiesa (47’) lëshoi një rast të artë shënimi, por portieri i Romës ishte i vëmendshëm. Juventusi vazhdoi me një dominim të lehtë, duke bërë presion – mirëpo pa ndonjë rrezik të lartë me takimin që përfundoi 1-1.
Pas javës së 35-të, Juventusi është në vendin e tretë me 66 pikë, ndërsa Roma në të pestin ka gjashtë më pak. Në javën e 36-të, bardhezinjte do të presin Salernitanan, ndërsa Roma përballet direkt me Atalantan për vendin e pestë.
Klasifikimi:
