Nga Boldnews.al
Në momentet e fundit të jetës së tij, diktatori i Libisë, Muamar Gadafi, teksa ndodhej në një tunel të qelbur nga fekalet, për t’iu fshehur zemëratës së popullit të tij, i pa edhe një herë në sy të rëvoltuarit dhe iku nga kjo botë pa e ditur se çfarë kishte bërë… “Çfarë ju kam bërë”-tha Gadafi para se mbi të të binte plumbi vdekjeprurës nga populli që ai shtypi, e vrau, e nëpërkëmbi, e vodhi dhe e nënshtroi.
Ka diktatorë dhe autoritarë që nuk kuptojnë çfarë kanë bërë sepse ata janë të bindur se ajo që bëjnë është e mirë dhe se ata si të ‘mbipushtetshëm’ mund të nënshtrojnë, mashtrojnë, përbuzin, mos japin llogari, të vjedhin paranë publike, të bëjnë orgjira me drejtësinë e shtrydhur dhe mbajnë mediat nën tutelë, apo të paguajnë mediat për tu bërë propagandë.
Ky i yni, kryeministri Edi Rama, akoma nuk e kupton, kurrë nuk ka për ta kuptuar, e as e çon në mendje se ndodh që një media mund dhe duhet të jetë e lirë. Ajo nuk shantazhohet, nuk blihet, nuk futet në autocënsurë, sepse raportin e ka me të vërtetën, pavarësisht nëse i dhemb ose jo një të “vetëshpalluri lider global”, që Shqiptarët azilantë i dërgon në Ruanda, ndërsa afrikanët e kapur në det nga italianët, i mban në kampet e Shëngjinit.
Rama është tërbuar si kurrë më parë. Në dokumentarin e emisionit të njohur “Report” në kanalin publik Italian RAI 3, dolën dyshimet për lidhjet e Sekretarit të Përgjithshëm të Këshillit të Ministrave Engjëll Agaçi me elementë krimi që kishin korruptuar me falje tokash në bregdet deri gjeneralin Italian Lisi, i cili në kohën kur Shqipëria në vitin 2016-2017 u kthye në habar kanabisi, shprehej se “ishte asgjësuar 99.2 % e drogës”.
Po ashtu dokumentari nxjerr në pah dështimin e reformës në drejtësi dhe kontrollin e saj nga pushteti aktual. Të dhëna për lidhjen e mafies italiane dhe shqiptare me zyrtarë të lartë në Shqipëri, mes të cilëve edhe dyshimet e forta me fakte e prova se vëllai i kryeministrit ka lidhje dhe përdorur të njënjtin mjet me narkotrafikantët e përfshirë në dosjen “Xibraka” ku ngritën laboratorin e kokainës.
Këto të dhëna, që tek ne të gjithë i dinë e ashtu të copëtuara edhe media vendase i ka nxjerrë, Ramën e tërbuan keqas. Jo se dhëmb e “pavërteta”, por për të dhemb e vërteta e thënë, për më shumë në një televizion prestigjioz Italian.
Po kush qe reagimi i Ramës? Turpi është pak, aq sa çdo qytetar shqiptar që ikën diku jashtë vendit do duhet të skuqet nga barra e turpit se qeveriset nga një kryeministër i cili agresivon me telefonata dhe kërkesë llogarie mediat, për më tepër ato të një vendi tjetër.
Nga reagimi i Ramës atje në Itali ka çuditur këdo gazetar e politikan. Rama guxon, deri në çmenduri teksa merr në telefon dhe nis klithje arrogance për dokumentarin drejtorit të RAI 3 dhe autorit të programit Report, Sigfrido Ranuçi. Rama i shantazhoi, e madje u mësoi edhe si duhet bërë gazetari… Me këtë turp tonin, RAI 3 do reagojë duke premtuar një tjetër dokumentar të diëlën me fakte e prova të reja që Ramës do i dhëmbë. Do i dhembë sesi nuk ka “Sandro” që u bën të fala, nuk ka as pronarë lëpirëse pushteti që vetëgjunjëzohen në “oralen mediatike” para Ramës.
Kjo e tërbën kryeministrin: Ai ende vijon të jetë i acaruar deri në shpërthim me pyetjen që e stërmundon: “Ore si ka mundësi që mos blihet, shitet e manipolohet një media”? Këtë përgjigje nuk ja jep dot as “kryejuristi” Engjëll që jeton me djajtë e krimit, as “Centri-Fuga” i propagandës. Vështirë e ka, nuk i bën dot “të fala” drejtuesve dhe gazetarëve të mediave Europiane, në këtë rast atyre italiane.
