Një aksident është regjistruar mesditën e kësaj të hëne në rrugën Transballkanike në Vlorë.
Një automjet tip “Fiat” është përplasur me një tjetër mjet tip “Toyota” e si pasojë ka mbetur e plagosur drejtuesja e këtij të fundit.
Shoferja është nisur me autoambulancë drejt spitalit të Vlorës për ndihmë mjekësore, dhe ndodhet nën kujdesin e mjekëve, ndërsa paraprakisht dyshohet se shkak për aksidentin është bërë shpejtësia tej normave të lejuara.
Ndërkohë grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
