Nga Boldnews.al
Për të shtruar ndonjë iftar, Veliaj e humbi kohën… Arsyeja ishte se tre drejtorë të rëndësishëm të tij dhe disa drejtorucë që gatisnin letrat e tenderave kurruptive, u arrestuan në mesin e muajit të shenjtë të Ramazanit. Po si do e humbte këtë rast kryebashkiaku i Tiranës, pa dalë një herë si “Rob i Zotit”, i cili në rolin e kryebashkiakut ofron mirësi, paqe dhe dhembsuri për të vobektit?
Në drekën e Fitër Bajramit edhe ashtu i nxirë në fytyrë nga “hallet korruptive” të zbuluara në bashki, u shfaq në publik në menzën sociale me të njëjtën luk veshjeje që mbsn prej vitesh, duke shpërndarë ndonjë pjatë supë e cila ftohet në duar sepse disa minuta duhet filmuar nga gjithë anët që shefi të dalë mirë. Përfundimi dihet… Ajo pjatë supë që të mbetet shuk në fyt, marinohet me “erzat” e grupit të madh të PR (piaristëve, Marrëdhënieve me Publikun), bëhet kasetë e gatshme e niset “Delivery” në televizioneve kryesore që ofrojnë proagandën për leje ndërtimi.
Kushdo që sheh pamjen e shërbimit të drekës së Fiter Bajramit nga Veliajt për njerëzit në nevojë ka të drejtë të bëjë pyetjen që dhemb: përderisa korrupsioni në Bashkinë Tiranë është kaq i hapur, po me drekën e shtruar a luhet ndonjë aferë? Megjithatë askush prej atyre të vorfënve as e çonte në mend të bënte një pyetje të tillë, teksa me barkun e boshatisur dhe jetën e sterrosur u kënaqën me vaftin, që në fakt nuk u shtrua për ta, por për shefin, që ai të dukej si njeriu që mendon për të gjithë kategoritë e qytetarëve dhe veçanërisht atyre në nevojë.
Një pjesë e madhe e qytetarëve të Tiranës teksa shohin fotot dhe pamjet e Veliajt në menzën sociale nuk dallojnë vetëm ushqim të shtruar, por sa ka kushtuar ajo drekë dhe kush titullar drejtorie ka futur duart që edhe aty të vjedhë diçka, sepse vesi del me shpirtin. Nuk është “sadaka” e Velijt, por para e qytetarëve të Tiranës që me taksat e tyre mundësojnë që në raste të tilla të jepet ishqim për qytetarët pa mundësi financiare.
Po a ia arriti qëllimit propaganda e Veliajt? Për kreun e bashkisë Tiranë rëndësi ka që të harrohet sesi bashkëpunëtorët e tij, drejtorët që i shërbenin për ta mbajtur në pushtet, kishin krijuar kompani private dhe duke përdorur postin i jepnin vetes tendera publikë. Janë shuma të frikshme rreth 30 milionë euro të përfituara nga drejtorët e Veliajt dhe vetë titullari nuk dinte gjë për këtë aferë kaq të trashë? Sado që ai betoheht se nuk kishte dijeni, fakt është se në çdo tender që i jepte drejtorëve kanë firmën e tij si titullar i institucionit.
Kjo batërdi që u zbulua, e cila është vetëm maja e një krimi që ndodh çdo ditë e cila s’ka emër tjetër përveçse vjedhje e parave të qytetarëve. Veliaj nuk ka frikë nga drejtësia, pasi ajo indirekt është shtojcë e “varësisë kryeministrore”, por drama Veliaj shkruhet në prishjen e një imazhi të stisur sepse ai për atë jeton… Ti dh…jesësh propagandën kryebashkiakut është njësoj si tia presësh të dy krahët e më pas ti thuash “luaj tenis”. Pjata e supës nuk mjafton, fatkeqësisht as dita e shenjtë për të manipuluar edhe me këtë ditë. Djajtë hajdutë janë përreth e kudo, në çdo institucion e nëse ndonjë ditë do të përfundojnë duke ngrënë “supën e burgut” duhet të qajnë e brengosen për shefin se ai ka vetëm një merak: Imazhin!
