Një shtetas është arrestuar dhe një tjetër është procedurar nga Policia në Fier, pasi akuzohen për dhunë në familje dhe kanosje me armë.
Policia bën me dije se është arrestuar një 50-vjeçar pasi ka dhunuar bashkëshorten dhe është proceduar një 37-vjeçar pasi ka kanosur me armë gjahu një 42-vjeçar.
“Specialistët për Hetimin e Krimeve të Komisariatit të Policisë Fier arrestuan në flagrancë shtetasin M. Sh., 50 vjeç, banues në Fier, pasi dyshohet se ka ushtruar dhunë ndaj bashkëshortes së tij, e cila është e pajisur me urdhër mbrojtjeje.
Specialistët për Hetimin e Krimeve të Komisariatit të Policisë Divjakë referuan materialet në Prokurori, ku nisi procedimi në gjendje të lirë për shtetasin Ll. S., 37 vjeç, banues në Divjakë, pasi ka kanosur me armë gjahu, 42-vjeçar, për motive të dobëta”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
