Është muaji i shenjtë i Ramazanit për të gjithë besimtarët Muslimanë, por kryeministri Edi Rama dhe presidenti Bajram Begaj e përdorin edhe këtë për shejtanëritë e tyre duke tentuar të “lajnë gjynahet”.
Duke u hequr si besimtar, por që në vena i rrjedh korrupsioni, Rama nuk zhgënjeu me fjalimin e tij duke tentuar të fshehë mëkatet që ka kryer duke vjedhur shqiptarët.
“Njësoj siç e mirëpresin agjëruesit edhe unë, për hir të së vërtetës, mezi e pres ta ofroj këtë Iftar së bashku me Lindën e me ndihmën e kujtdo që angazhohet, që sofra të ketë frymën e një mbrëmjeje ku nuk na mbledh bashkë as feja, as gjuha, as puna që bëjmë në të përditshmen tonë apo ideja e çdokujt këtu për Zotin, por na bashkon ndjesia e përkatësisë ndaj diçkaje të njëjtë e lidhjes me diçka të ngjashme, të cilës i gjejmë emra të ndryshëm, ose edhe e pamundur apo u munduar t’i vëmë emër i ndiejmë afërsinë e pakufizueshme”, tha Rama në fjalën e tij.
Po ashtu edhe faqja zyrtare e kryebashkiakut hajdut të Tiranës, Erion Veliajt, është e mbushur me foto ku ka shtruar iftar për besimtarët.
Njëjtë si ‘miku’ i tij hajdut, edhe Rama në darkën e shtruar nxorri nga goja e tij dedikime me thënien e librave të shenjtë, për të synuar shenjtërinë e të qëndruarit në pushtet. Gjatë fjalës përshëndetëse para të ftuarve Rama citoi fjalët e mistikut Shefqet Buhariu, “unë nuk të them që të mërgohesh e të braktisesh nga vetja, unë të këshilloj një gjë, zëre fort dorën e dashurisë e trokit në dyert e zemrave”.
Të pranishëm në tryezën e shtruar në Pallatin e Kongreseve në Tiranë ishin ministra, deputetë, diplomatë të huaj, drejtues institucionesh, artistë, sportistë e mjekë me të cilët kreu i qeverisë ruan amrrëdhënie të mira për interesat e tij.
