Deputeti demokrat Edi Paloka komentoi deklaratën e fundit të kryebashkiakut Erion Veliaj dhe mesazhet e koduara mes tij dhe shefit të qeverisë Rama
Paloka hodhi poshtë mundësinë e një përçarjeje mes tyre, teksa u shpreh se deklaratat e fundit i quan vetëm ‘skema’.
“Janë skenare që nuk i shohim për herë të parë, po të ndjekësh gjithë kronikat e Rilindjes për gjithë këto vite që janë në pushtet, këto janë skena të përsëritura. Ish ministra, ministra, deputetë, që dalin bëjnë deklarata kërcënuese për Ramën, për t’i bërë të qartë se dhe mund të flasim ne.
Kjo e Veliajt qe në vazhdën e këtyre deklaratave, por ndryshe nga sa fantazohet që ka një luftë mes Ramës dhe Veliajt, unë besoj krejt të kundërtën.
Mund të ketë ndonjë luftë në nivelet më të ulëta, që është përfolur, mes Ballukut dhe Veliajt, që reflekotohet me eliminimin e ushtarëve të vegjël, por Rama dhe Veliaj, unë e kam thënë që për mua, janë një.
Janë të ndërfutur te njëri-tjetri në një mënyrë që nuk mund t’i ndash. Kjo jo vetëm prej lidhjes me Soros, por edhe për arsye të tjera. I tha Veliaj-Ramës dje, nuk e di pse e ndjeu të nevojshme t’ja kujtonte Ramës qe nuk ka bërë asgjë më shumë ai, se sa vetë Rama. Por jam i sigurt se nëse Rama të tjerët i ka mbështetur duke i çuar prapa hekurave, Veliajn nuk do e lëshojë, nuk do ja hedhë SKAP-it”, tha Paloka per Syri tv.
