Mazhoranca dhe opozita në mbledhjen e kësaj të premte të nënkomisionit “Për Reformat” kanë arritur dakordësinë për caktimin e ekspertëve ligjorë që do të punojnë për ndryshimet në Reformën Zgjedhore.
Në total do të jenë katër ekspert, ku bie në sy fakti se Partia Demokratike do të ketë si përfaqësues Ivi Kason, ndërsa Partia e Lirisë, Silva Cakën. Kurse ekspertët e Partisë Socilaiste do të jenë Eridjan Salianji dhe Viktor Gumi. Mbledhja e kësaj të premte është bërë pa praninë mediave.
Kujtojmë që Viktor Gumi ka mbajtur detyrën e Ministrit të Punës dhe zv.ministër Drejtësie në qeverinë e Berishës.
Gjithashtu në mbledhjen e sotme është vendosur që të kërkohet asistencë nga ekspertët e ODIHR mbi çështjet që lidhen me legjislacionin mbi zgjedhjet.
Vlen të theksohet fakti se ngritja e nënkomisionit “Për Reformat” ishte pjesë e marrëveshjes mes opozitës dhe mazhorancës për rikthimin në normalitet,. teksa përbëhet nga 6 anëtarët, nga tre për secilën palë dhe ka në fokus ligjet që kërkojnë shumicë të cilësuar votash në Kuvend.
VENDIMET E SOTME:
1.Emërimin e ekspertëve ligjorë:
Silva Caka- PL
Viktor Gumi- PS
Eridjan Saliani- PS
Ivi Kaso- PD
2. Të njoftohen ekspertët për hartimin e draft programit të punës brenda datës 10.04.2024.
3. Të kërkohet nëpërmjet Kryetares së Kuvendit, asistencë me ekspertë nga OSBE/ODHIR për punën e grupit të dialogut mbi adresimin e çështjeve që lidhen me legjislacionin për zgjedhjet
4. Mbledhja tjetër të zhvillohet ditën e enjte, ora 12.00 dhe të ftohen dhe ekspertët e caktuar të marrin pjesë në këtë mbledhje.
5. Sekretaria e Komisionit për Çështjet Ligjore, Administratën Publike dhe të Drejtat e Njeriut të ndjekë zbatimin e këtij vendimi”, thuhet në dokumentin e firmosur nga dy kampet.
