Analisti Andi Bushati ka komentuar mbrëmjen e sotme reagimin e kryebashkiakut Erion Veliaj, lidhur me dosjen “5D”, i cili deklaroi një ditë më parë se drejtorët duhet ti zgjidhin vetë hallet e tyre me drejtësinë, duke hequr kështu nga vetja çdo përgjegjësi.
I ftuar në emisionin “Të Paekspozuarit”, Bushati e quan reagimin e tij sindroma e hajdutit. Sipas Bushatit vetëm një hajdut që luan me shifra kolosale, 20 milionë euro mund t’i duken anomali e papërfillshme.
“E pashë dhe ajo që më bëri më shumë përshtypje sindroma e hajdutit që del menjëherë.
Janë vjedhur nga para publik dhe si e përshkruan Veliaj një anomali e vogël. Vetëm një hajdut që luan me shfira kolosale 20 milionë euro i duken anomali e papërfillshme.
Po mos vidh shprehjen e Ramës, gjej një mënyrë tjetër për tu justifikuar. Edhe këtë e merr të gatshme. As këtu nuk u mundua të gjente pak kreativitet në alibi” tha Bushati.
