Autoritet policore në Greqi kanë identifikuar autorët e shtatë grabitjeve në zonën e Thesprotisë dhe kanë arritur të vënë në pranga njërin prej tyre.
Policia greke ka tentuar fillimisht të ndalojë dy persona në aksin Perdhika – Parga, të cilët dyshoheshin se kishin vjedhur një orë dore në një banesë në Perdhika.
Pas ndjekjes është arritur të kapet një prej të dyshuarve, i identifikuar si 30-vjeçari shqiptar Adenis Binjaku, ndërkohë që shtetasi tjetër, i identifikuar më pas si 49-vjeçari shqiptar Arben Qosja, arriti të largohej duke shfrytëzuar errësirën dhe zonën e pyllëzuar.
Hetimet e mëtejshme të policisë zbuluan se ata janë autorë të vjedhjeve të 7 banesave në Syvota dhe Perdhika të Thesprotisë në periudhën 27-31 mars. Nga këto banesa të dyshuarit kanë arritur të marrin 2255 euro, 3 ora me vlerë 900 euro, 3 celularë me vlerë 1900 euro, bizhuteri me vlerë 70 euro dhe rroba.
Gjatë kontrollit personal të Adenis Bibjakut, i cili rezulton se ndodhej në Greqi pa dokumentacionin e nevojshëm, janë gjetur 480 euro, 3 prozhektorë, çift dorezash, orë dore, celular, bizhuteri, ushqime dhe rroba.
