Pas 450 mijë eurove gjobë vendosur nga Autoriteti i Komunikimeve (Agcom) ndaj Google Ireland, tani është radha e kompanisë Twitter International Unlimited, me platformën e saj X. Në qendër të vëmendjes se Autoritetit është çështja që lidhet me shkeljen e ndalimit të reklamimit të lojërave të fatit. Në përfundim të hetimeve, kompanisë së Elon Musk i është vendosur një gjobë prej 1.35 milionë euro, ose 150 mijë euro për secilën nga 9 shkeljet e vërtetuara.
Pavarësisht kësaj, aktiviteti i 20 profileve në X vazhdoi pavarësisht raportimeve që ndodhën nga mesi i vitit 2022 deri në fund të verës së kaluar. Mes tyre janë nëntë llogari me shenjën blu, një çështje që sipas Agcom nuk mund ta bëjë X të përjashtuar nga përgjegjësia.
Sipas Autoritetit, në fakt, çeku blu nënkupton të kesh një llogari me abonim aktiv në X Premium, shërbim që kompania e ofron me një verifikim 72 orësh të kritereve të përshtatshmërisë. Një procedurë e këtij lloji, sipas Agcom, nuk mund të kryhet pa kontrollin e njeriut dhe kjo do të thotë se X nuk mund të mos e dinte.
Në fund të vitit 2022, Elon Musk bleu platformën Twitter për rreth 44 miliardë dollar, duke i ndryshuar emrin në X. Që nga ajo periudhë e deri më sot kompania është përballur me një sërë problemesh që nga organizimi I brendshëm, ku u pushuan nga puna rreth 75% e punonjësve, e deri tek dizinformacioni në shtete të ndryshme.
