Janë kapur autorët e plagosjes së Alted Olldashit, ngjarje e ndodhur pasditen e sotme në Pogradec.
Burimet bëjnë me dije se autorët kanë qenë 2 persona, Deist Meko dhe Klajdi Lotis, të dy banues në Pogradec. Ata janë kapur nga komisariati i këtij qyteti pak orë pas plagosjes së kryer. Momentalisht, autorët ndodhen në ambjentet e komisariatit, ndërsa pritet të bëhet edhe arrestimi i tyre.
I plagosuri Jolldashi është dërguar në spitalin e Traumës në Tiranë, për shkak se ka nje plumb në gjoks.
Sipas informacioneve, ai do të arrestohet nga policia, pasi dyshohet se është përsoni që ka qëlluar i pari drejt personave të tjerë me një pistoletë me mulli. Konflikti mes palëve ka filluar pak kohë më parë, kur Jolldashi ka goditur vëllain e Mekos, ndërsa sot ky i fundit ka shkuar për t’u sqaruar, por Jolldashi ka nxjerrë pistoletën (i llojit me mulli) dhe ka qëlluar 5 herë drejt tyre. Më pas, autorët i janë kundërpërgjigjur duke e plagosur.
Njoftimi i Policisë:
Pogradec/Kapet autori i plagosjes me armë, ngjarje e ndodhur pasditen e sotme në qytetin e Pogradecit.
Në pranga, të dy personat e përfshirë në konfliktin me armë.
Sekuestrohen dy armët e zjarrit, të përdorura nga autorët e krimit.
Në vijim të punës për zbardhjen dhe dokumentimin e plotë të ngjarjes së ndodhur ditën e sotme pranë kryqëzimit të Tushemishtit, si dhe falë negociatave të bëra nga shërbimet e Komisariatit të Policisë Pogradec me familjarët e dy autorëve të dyshuar të ngjarjes, u bë e mundur kapja dhe vënia para përgjegjësisë ligjore e tyre. Konkretisht u vunë në pranga shtetasit:
D. M., 32 vjeç dhe K. L., 27 vjeç, banues në Pogradec.
Shtetasit e mësipërm, gjatë një konflikti të çastit, me shtetasin A. J., 27 vjeç, dyshohet se kanë qëlluar me armë zjarri në drejtim të tij, i cili për pasojë mbeti i plagosur dhe ndodhet për mjekim në spital.
Në cilësinë e provës materiale u gjetën dy armët e zjarrit që dyshohet se u përdorën në konflikt, nga autorët e krimit, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
