Aksi rrugor Korçë-Ersekë prej 35 kilometrash ka filluar të ndërtohet 13 vite më parë dhe ende pa u inaguruar me propagandë nga Qeveria, një pjesë e saj u shemb, në Qafën e Qarrit.
Gjysma e aksit rrugor, ose 17 km u tenderuan nga qeveria e Partisë Demokratike në atë kohë për një kosto totale rreth 15 milion eurosh. Gjysma tjetër prej 18 km janë tenderuar dhe vazhdojnë të ndërtohen nga qeveria aktuale me një kosto totale deri tani në 48 milionë euro, ose mbi 3 herë më shumë nga kostoja e qeverisë së mëparshme.
Por, pavarësisht korrupsionit dhe pavarësisht cilësisë me të cilën është ndërtuar ky aks që u shemb ende pa u inaguruar, kryebashkiaku komedian i Kolonjës, Erion Isai gjen kurajon edhe të bëjë ironi dhe të tallet me qytetarët.
Ai ka publikuar në profilin e tij në rrjetet sociale një foto me mbishkrimin: “Fundjavë të bukur me ngjyra Kolonjare”. Por, një qyetar i ka komentuar duke i vënë në dukje shembjen e rrugës, duke i shkruar: “Po që nga ti biem se u prish rruga”.
Ndërkohë që kryebashkiaku Erion Isai, më e pakta që mund të bënte ishte të heshtte mbi këtë skandal, por ai ka gjetur kurajon edhe të reagojë në mënyrë ironizuese dhe tallëse ndaj qytetarit.
“Po po…u rrënua fare. U hodh në erë: s’ekziston më; u shkund; u asgjësua; sdo bëhet fare…” – shkruan kryebashkiaku-komedian duke e shoqëruar dhe me një emoji duke qeshur.
Mbi korrupsionin në atë aks rrugor ka patur padi penale edhe para shembjes, por u padit sërish edhe pas shembjes, edhe nëse drejtësia do të kishte vepruar me kohë, ndoshta komediani që u bë kryebashkiak nuk do ishte duke shkruar në rrjetet sociale.
