Analisti Andi Bushati thotë se takimet e sekretarit amerikan të shtetit në Tiranë tregojnë qartë se si e sheh Amerika vendin tonë.
Bushati tha se pavarësisht mbështetjes që SHBA ka treguar për SPAK-un, ky i fundit nuk ka ende një dosje që mund të shërbejë si model për hetimin e një çështjeje.
“Kanë vendosur të besojnë si në religjion te SPAK-u. Do bëhet thonë! Në thelb duket skandaloze që një sekretar shteti të marrë kreun e SPAK-ut e Gjykatës së Lartë t’u japë direktiva. Në kushte normale duket skandal. Por ne nuk jemi në kushte normale. Nuk jemi vend demokratik. Jemi vend kolonial. Këtu del ambasadorja e shkel me këmbë Konventën e Vjenës. Na trajtojnë si kope dhe jo si pjesëtarë të një shoqërie demokratike. Këto janë delet që bariu duhet t’i çojë në drejtimin e tyre. Bariu donte të sillte armët kimike. Ka besueshmëri gati religjioze ndaj SPAK-ut. Nëse ka një nënshtrim politk ndaj Edi Ramës është dosja e Fredi Belerit. Një dosje e falsifikuar vetëm me urdhër politik të Edi Ramës. Nuk ka asnjë dosje që të shërbejë si model si të hetohet një çështje”, tha ai.
