Detaje të reja janë zbardhur nga vetëvrasja e 27-vjeçares Sibora Abedini dy ditë më parë në Kamëz.
Policia bën me dije se e reja se u vetëhodh nga tarraca e katit të katërt dhe për pasojë humbi jetën, për shkak se iu shpërnda një foto intime në rrjetet sociale.
E reja ishte nënë e një fëmije ndërsa ishte e martuar me një shtetas kosovar. Megjithëse kishin pasur probleme me bashkëshortin në Kosovë, pritej të ribashkohej, por publikimi i fotos me Altin Çokun ka shkaktuar traumë tek e reja e cila është hedhur nga tarraca e pallatit mbrëmjen e së shtunës.
Për këtë ngjarje në pranga ka rënë Altin Çoku, pasi ishte ky i fundit që i ka ndarë foton intime në rrjetin social “Tik Tok”. 39-vjeçari akuzohet për veprën penale “Shkaktimi i vetëvrasjes”, ndërsa ishte me precedent të mëparshëm.
Në lidhje me këtë, avokatja Eranda Gjonaj në një intervistë për ‘Euronews Albania’, tha se Çoku mund të dënohet deri në 2 vite burg.
Mes tjerash ajo theksoi se prokurorët dhe ekspertët duhet të merren me detajet e ngjarjes dhe t’i shkojnë çështjes deri në fund.
“Maksimumi që mund të dënohet Altin Çoku është 2 vjet. Kundravajtjet penale maksimumi aq e kanë 2 vite, dhe parashikohen dhe dënime me gjobë. Prokurorët, ekspertët dhe Gjykata duhet të bëjë punën e tyre”-tha ajo.
