Kryetari i “vulës”, Lulzim Basha u shpreh se mazhoranca socialiste po përpiqet që të kontrollojë SPAK-un.
Basha u shpreh se duhet bërë gjithçka për të forcuar demokracinë dhe shtetin ligjor, ndërsa theksoi se SPAK si e vetmja hallkë që funksionon po sulmohet nga qeveria.
“E vetmja gjë që po fillon të funksionojë siç është SPAK-u tani po targetohet nga qeveria. Javën e kaluar ndava një informacion dhe kërkova të përgënjeshtrohet, përgjigja ka shtuar dyshimet. Qeveria ka refuzuar të hedhë poshtë pa ekuivokë këtë informacion e ka fshehur e ka sheqerosur por nuk kemi një përgjigje të prerë. Ky përbën një shqetësim të madh për publikun shqiptar dhe për fatin e shtetit të së drejtës. Nëse qeveria apo qeveritarë të caktuar nën ankthin e asaj që ka nisur që është vënia para përgjegjësisë ligjore të zyrtarëve të qeverisë kanë ndërmend që ti përgjigjen. Për mua është pa asnjë ekuivokë, pa asnjë reltivizim, mbështetja pa kushte e SPAK-ut. Kontrollet kushtetuese janë të përcaktuara. Se do të thonë se kemi për SPAK-un po për institucione të pavarura. Urimi im jua shtoftë zoti panikun. Kush ka panik nga hetimet e SPAK-ut ua shtoftë zoti, i lënë zoti pa gjumë. Nëse s’keni panik mënyra për ta trajtuar këtë janë brenda kushtetutës.”- tha Basha.
