Aleatët e Partisë Demokratike njëzëri i kanë bërë thirrje Parlamentit të marrë në konsideratë kërkesën e deputetëve të opozitës që Komisionit për Reformën Zgjedhore t’i kthehet funksionalitetit dhe normalitetit.
Në një deklaratë të përbashkët për mediat, ku kanë qenë të pranishëm dhe deputetë të opozitës, Bylykbashi ka deklaruar se shumica dërrmuese e opozitës në parlament duhet që të jetë në themel të një zgjidhjeje sa më të shpejtë të kësaj krize politike. Në të kundërt, Bylykbashi paralajmëron se nuk do të ketë normalitet në parlament.
Oerd Bylykbashi: “Parlamenti të marrë në konsideratë kërkesën tonë, që komisionit t’i kthehet funksionalitetit dhe normalitetit. Në të kundërt, ky parlament do të vazhdojë të mos jetë funksional. Reforma, një nga themelet e krizës që ka përfshirë parlamentin. Shumica dërrmuese e opozitës në parlament duhet të jetë në themel të një zgjidhje sa më të shpejtë të kësaj krize politike që Edi Rama ka futur parlamentin. Normaliteti në parlament nuk do të ketë sa kohë që rregulla të rëndësishme do të ndryshohen në këtë formë. Ajo që është oferta jonë është e ndershme: Kërkojmë respektimin e një tradite 20-vjeçare që ka garantuar sukses, përgjegjësia është bashkëndarë, kjo duhet të jetë filli i këtij procesi. Këto janë rregullat bazë. Duhet një vendim parlamenti që pranon normalitetin dhe ky Komision i Reformës Zgjedhore fillon punën dhe i jep zgjidhje duke ngulur këmbë që parlamenti voton me shumicë atë që miratohet me Konsensus pa bërë lojë e truke si në 2000-ën”.
I pranishëm në këtë konferencë, Fatmir Mediu i ka bërë thirrje grupit Basha mos bëhen palë me kryeministrin Edi Rama në miratimin në mënyrë të njëanshme të Reformës Zgjedhore.
Fatmir Mediu: “Rama nuk i ka 84 vota në parlament. I bëj thirrje deputetëve të opozitës të mos bashkohen në një farsë. Shtrembërimet që bëhen në këtë komision, të qëllimshme. Konsensusi i parë është brenda Ky komision jo vetëm që është bipartizan, por ka propacinoalitet që bazohet te pesha politika. Kur PL në atë kishte 19 deputetë ka pasur vetëm 2 përfaqësueses. Dua të theksoj se konsensusi i parë është brenda opozitës”
Kujtojmë që ditën e sotme mbledhja e Komisionit të Reformës Zgjedhore u bllokua nga deputetët e opozitës.
