Gazment Bardhi dhe Flamur Noka janë përplasur ashpër me Flutura Açkën në Komisionin e Medias.
Deputetët e opozitës kanë tentuar të bllokojnë punën e komisionit, duke përdorur zhurmues, ndërkohë që Flamur Noka është përplasur ashpër me drejtuesen e komisionit Flutura Açka.
Në një moment Flamur Noka ia tërheq mikrofonin duke shkaktuar përplasje të ashpër fizike me “besniken” e Lulzim Bashës.
“Deklaro se je me mazhorancën. Këtu ke ardhur me votën e demokratëve, kur të vish me votën e socialistëve…”, dëgjohet të thotë ai
Përplasja Noka e Bardhi – Açkës:
Flutura Açka: Gaz Bardhi unë të kam kërkuar..
Gazment Bardhi: Mos u bëj fasadë e bandave të Suel Celës dhe bandave të Elbasanit. Mos shkel mbi votat e demokratëve dhe të opozitarëve
Noka: Je me votat tona këtu.
Noka: Je duke i shërbyer edi ramës.
Noka: Po i shërben edi ramës, turp
Gazment Bardhi: Fike mikrofonin Flutura. Ngri zërin për të drejtat e opozitës.
Gazment Bardhi: Nuk kam gjë me ty. O Merita a ka mundësi. Pazaret i bën ai shefi jot.
Gjithashtu kreu i Grupit Parlamentar të PD-së, Gazment Bardhi është përplasur në Komisionin e Medias me deputeten e PD-së, Merita Bakiu.
Me tone të ashpra, Bardhi i është drejtuar Bakiut që të mos ndërhyjë për t’i dalë zot Lulzim Bashës. Këtë të fundit, Bardhi e ka konsideruar zagar që ka shitur interesat e demokratëve.
Përplasja tjetër Bardhi – Merita Bakiu:
Merita Bakiu: Lëri ofendimet
Gazment Bardhi: Nuk po të ofendon askush.
Bardhi: O Merita pusho tani. Lulzim Basha është shërbëtor i regjimit dhe një zagar që ka shit interesat e demokratëve. Të të vijë turp që i shkon nga mbrapa.
Bakiu: Ti i ke shkuar nga mbrapa.
Bardhi: Ai zagari ka shit interesat e demokratëve
Bakiu: Unë jam me interesat e demokratëve.
Bardhi: Absolutisht nuk je me interesat e demokratëve.
