Një aksident është regjistruar këtë të diel në aksin rrugor Morinë–Kukës, pranë fshatit Bardhoc.
Një 43-vjeçare që udhëtonte nga Kosova drejt Shqipërisë ka humbur kontrollin e automjetit të saj tip “Volkswagen Polo” me targa shqiptare dhe është përplasur me trafikndarësen.
Sipas informacioneve paraprake, rrethanat e aksidentit mbeten ende të paqarta, ndërsa nuk përjashtohet mundësia që në ngjarje të ketë ndikuar edhe shpejtësia e lëvizjes së mjetit.
Pavarësisht përplasjes , drejtuesja e automjetit, ka shpëtuar pa lëndime të rënda.
Vetëaksidenti ka shkaktuar edhe një incident tjetër në kahun e kundërt të rrugës, në drejtimin Shqipëri–Kosovë. Dy automjete, një me targa të Kosovës dhe një me targa shqiptare, janë përplasur lehtë me njëri-tjetrin. Fatmirësisht, nga kjo ngjarje nuk raportohet për persona të lënduar, por vetëm dëme materiale dhe gërvishtje të mjeteve.
Dëshmitarët në vendngjarje thanë se përplasja e dytë ndodhi pasi drejtuesit e automjeteve u shpërqendruan duke vëzhguar vetëaksidentin e ndodhur në anën tjetër të aksit rrugor.
