Qentë endacakë vijojnë të jenë ende një problem në vendin tonë. Së fundmi raportohet se ata janë shtuar në numër në zonën e Kamzës në kryeqytet.
Një qytetare ka denoncuar rastin për JOQ Albania, ku shprehet se grupe qensh endacakë i gjen masivisht në bulevardin “Donald Trump”, në Kamëz dhe se qytetarët ndjehen të rrezikuar.
“Une qe po ju shkruaj jam nje qytetare e Kamzes dhe po ju dergoj pamjet e frikshme te qenve ne bulevardin “Donald Trump”, teksa ngjitur jane plehrat masive ne gjendje te hallakatur. Bashkia duhet te marr masa per qente endacak pasi rrezikohet jeta e banoreve ne menyre serioze”,- shprehet qytetarja.
