Ka shkuar në 6 numri i të arrestuarve për një sulm të dhunshëm ndaj 2 vëllezërve shqiptarë, të ndodhur në prag të Krishtlindjeve të vitit të kaluar në Santa Maria Capua Vetere në sheshin ‘Adriano’ në Itali.
Policia italiane bën me dije se ka arrestuar edhe 5 persona të tjerë që dyshohet se janë përfshirë në sulmin ndaj 2 vëllezërve shqiptarë të cilët i goditën me thika dhe me karrige.
Mësohet se njëri prej vëllezërve shqiptarë, 16-vjeç, ndodhet ende në spital në gjendje të rëndë për shkak se goditjet me thikë i kanë shpuar mushkërinë, ndërsa vëllai i tij i madh, i cili, mori një goditje në kokë, ka dalë nga spitali.
Gjithashtu bëhet me dije se të arrestuarit, janë nga mosha 19 deri në 24-vjeç.
