Shqiptarët e diasporës u mblodhën sërish këtë të diel në Nuremberg të Gjermanisë, ku zhvilluan një protestë kundër Edi Ramës, duke kërkuar dorëheqjen e tij dhe duke shprehur mbështetje për protestën e zhvilluar në Tiranë.
Me pankarta dhe thirrje kundër qeverisë, protestuesit deklaruan se i bashkohen zërit të qytetarëve në Shqipëri, duke kërkuar ndryshim, përgjegjësi dhe plotësimin e kërkesave të ngritura nga protestuesit në kryeqytet.
Pjesëmarrësit theksuan se diaspora do të vijojë mobilizimin në mbështetje të protestave në Shqipëri, duke e konsideruar angazhimin e saj si një shprehje solidariteti me qytetarët që kërkojnë ndryshime politike dhe largimin e Ramës bashkë me kastën e vjetër politike.
