Në ditën e 38-të të protestës kundër qeverisë Rama, qytetarët janë rikthyer sërish para Kryeministrisë, ndërsa gjatë tubimit një person është pikasur duke fotografuar turmën ngas dritarja e Kuvendit.
“Poshtë patronazhistët”, kanë thirrur disa prej protestuesve, teksa kanë reaguar ndaj veprimit të tij.
Pavarësisht deklaratave për presione dhe kërcënime me të cilat protestuesit thonë se janë përballur gjatë këtyre ditëve, ata vijojnë të shprehin vendosmërinë për të vazhduar revoltën e tyre kundër qeverisë.
Edhe në tubimin e sotëm, qytetarët kanë përsëritur kërkesën e tyre kryesore: dorëheqjen e kryeministrit Edi Rama, duke e cilësuar atë të panegociueshme.
