Këtë të premte janë rikthyer reshjet e dëborës në zonat malore të vendit.
Sipas Autoritetet Rrugor Shqiptar, dy janë akset më problematike: Ura e Zapodit-Shishtavec dhe në Bogë-Theth, pasi gjatë ditës së sotme ka pasur reshje dëbore me intensitet mesatar.
“Në Ura e Zapodit-Shishtavec dhe në Bogë-Theth gjatë ditës së sotme ka pasur reshje dëbore me intensitet mesatar. Qarkullimi kryhet pa probleme. Drejtuesit e mjeteve të pajisen me goma dimërore dhe zinxhirë kur udhëtojnë për në segmentet e mësipërme me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, njofton ARRSH.
