Protesta e thirrur nga opozita këtë të enjte ka nisur, me mbështetës së tyre që janë vendosur para portës hyrëse të Kuvendit.
Tensionet e para janë shënuar mes gardës dhe deputetëve demokratë. Ligjvënësit e përjashtuar nuk janë lejuar nga garda të futen në Kuvend. Ata pritet ti bashkohen protestuesve në sheshin para parlamentit.
Ndërsa deputetët e tjerë demokratë kanë refuzuar kontrollet nga garda para hyrjes në sallën e seancës parlamentare.
Ndërkohë, përplasjet mes deputetëve demokratë dhe gardistëve kanë vijuar edhe brenda sallës së seancave plenare. Përplasja këtë herë ka lindur pasi deputetët kanë nisur zhvendosjen e karrigeve për ti vendosur para foltores, si në seancat e mëparshme. Garada ndërkohë, ka tentuar ti pengojë.
Policia ka marrë masa të shtuara sigurie, duke vendosur një numër t konsiderueshëm trupash dhe mjetesh në terren, përfshirë dhe makinat ujëhedhëse.
Kuvendi voton sot kërkesën e SPAK për vendosjen e një mase arresti ndaj Berishës.
