Tensione janë regjistruar mëngjesin e kësaj të enjte, pak para nisjes së seancës plenare në Kuvend, aty ku pritet të jepet autorizimi për arrestimin e ish-kryeministrit Sali Berisha.
Ka qënë deputeti i PD-së, Flamur Noka i cili është përplasur fizikisht me punonjësit e Gardës brenda sallës së Kuvendit. Ai ka tentuar të vendosë karrige para tyre, teksa këta të fundit janë përpjekur ta ndalojnë.
“Hiqi duart se në kokë e ke”,- dëgjohet të thotë Noka me tone të ashpra.
Ndërkohë ka nisur edhe protesta e thirrur nga opozita, ku mbështetësit demokratë janë vendosur para portës hyrëse të Kuvendit.
