Policia e Shtetit ka kundërshtuar dhënien e lejes për shoqatat Islamike që kishin kërkuar mbajtjen e një proteste.
Në një njoftim në rrjetet sociale facebook, këto shoqata shkruajnë se për herë të tretë refuzohet kërkesa e tyre për leje dhe mbajtjen e një proteste.
Policia sipa tyre ka dhënë si arsye mospasjen e trupave për për mbarëvajtjen e protestës, pasi janë të angazhuar me ndeshjet, festat e fundvitit dhe sigurinë e vendit.
Njoftimi
Njoftim mbi ndalimin e protestës të ditës së Dielës, së datës 17 Dhjetor
Policia e shtetit për herë të tretë me radhe ndalon organizmin e protestës për Palestinën. Me anë të një shkrese Policia njoftoi organizatorët se ndalon organizimin e kësaj proteste me arsyetimin se është e angazhuar me :
– sigurinë e festave e fundvitit
– sigurinë e ndeshjes së futbollit Tirana-Vllaznia
– dhe parandalimin e krimit
Me vazhdimësine e ketyre ndalimeve dhe me arsyetimin e dhënë nuk ka më asnjë dyshim se Policia është e orientuar nga një urdhër politik për ndalimin e kësaj proteste.
Duke qenë se kjo proteste organizohet nga një grup shoqatash islame, kjo sjellje e policisë i kthen përgjigje edhe instancave shteterore që pyesin pse neve shpesh akuzojmë shtetin shqiptar për sjellje islamofobe.
Në Shqipëri marshojnë, protestojne dhe demonstrojnë shumë parti, organizata dhe individë, duke filluar nga çështje të rëndësishme deri nga më banalet, megjithatë ato nuk pengohen të protestojne, kurse ne këtë rast, protesta për një kauze kaq të ndjeshme ndërkombëtare ndalohet.
Megjithate muslimanët shqiptarë janë njerëz qe e duan kombin dhe shtetin shqiptar, ligjshmerine dhe janë kundër anarkise. Për këtë arsye megjithë paligjshmerine e këtij vendimi te policisë grupi organizator vendosi të tregohet i durueshëm dhe ta shtyje protestën për të shtunen në datën 23 Dhjetor. Kjo pasi edhe disa drejtues të policisë garantuan organizimin e këtij tubimi.
I njoftojme të gjithë besimtarët se tubimi i datës 23 Dhjetor do të kryhet sipas të gjitha kërkesave të ligjit dhe jo sipas tekave të atyre që japin urdhëra dhe fshihen pas policisë.
