Policia e Vlorës ka zhvilluar një operacion anti-droge gjatë natës së kaluar në Vlorë, ku mësohet se është bllokuar një furgon me një sasi e konsiderueshme kanabisi.
Siç shihet dhe në foton e mësipërme, lënda narkotike ka qenë e ndarë në qese, e presuar dhe gati për t’u trafikuar. Droga ka qenë e ndarë në rreth 30 pako, të stampuara me shkronja K, F, A, O. Burime bëjnë me dije se bëhet fjalë për rreth 400 kg kanabisi.
Ende nuk ka një reagim zyrtar, ndërsa policia pritet të dalë në një komunikatë për mediat.